Айни дамда "ПСЖ" германиялик мураббий Юлиан Нагельсманн билан эҳтимолий ҳамкорлик борасида музокаралар олиб бормаяпти, дея хабар беради журналист Фабрицио Романо.
Аввалроқ, яна бир журналист Адриен Греньер 35 ёшли мутахассиснинг Франция клуби билан алоқаси борлигини айтганди.
Эслатиб ўтамиз, жорий мавсумда Нагельсманн 24 март куни тарк этган "Бавария"ни бошқарган эди. Айни дамда мураббий янги иш излаш билан банд. Эслатиб ўтамиз, немис мураббийининг хизматларига Лондоннинг “Челси” клуби ҳам қизиқиш билдирмоқда.
Ҳозирда "ПСЖ"ни Кристоф Галтье бошқармоқда. Франция чемпионатининг 29-туридан сўнг, парижликлар 66 очко билан турнир жадвалида пешқадамлик қилмоқда.
