Саудия Арабистони нафақат юлдуз футболчилар, балки юлдуз мураббийларни ҳам таклиф қилишга бел боғлаган.
Corriere dello Sport хабарига кўра, араблар ҳозирда "Рома" билан ишлаётган Жозе Моуриньога мурожаат қилишган. Португалиялик мураббийга учта иш варианти таклиф қилинган: Саудия Арабистони терма жамоасида, "Ан-Наср"да ёки "Ан-Аҳли"да. Улар икки йиллик шартнома учун 120 миллион евро тўлашга тайёр.
Шу тариқа, Саудия Арабистонида Моуриньо "Ан-Наср"да ўйнаётган Криштиану Роналду билан яна бирлашиши мумкин. Бир вақтлар улар "Реал Мадрид"да ишлашган.
Эслатиб ўтамиз, Жозе Моуриньонинг “Рома” билан амалдаги шартномаси 2024 йилнинг ўрталарига қадар тузилган.
