"Челси" 2023/2024 йилги мавсумда бош мураббийликка номзодлар қаторида 41 ёшли испаниялик Хаби Алонсонинг номзодини ҳам кўриб чиқмоқда.

Лондон клуби раҳбарияти Алонсонинг “Байер”даги фаолиятидан ҳайратга тушган. Бироқ мураббийлик фаолиятининг ушбу босқичида испаниялик мутахассиснинг "Челси"га тайинланиши даргумон, чунки "Байер"даги иш унинг бош мураббий сифатидаги илк тажрибасидир, деб ёзмоқда The Guardian нашри.

Аввалроқ Хаби Алонсо "Реал Сосьедад Б" ва "Реал Мадрид" ёшлар жамоасини бошқарган. Испаниялик мутахассис "Байер" билан ҳамкорликни 2022 йилнинг октябрь ойи бошидан бошлаган. Айни дамда Леверкузенликлар Бундеслигада 26 ўйиндан кейин 40 очко билан 7-ўринда бормоқда.

Бугун, 6 апрел куни "Челси" вақтинчалик бош мураббий тайинланиши бўйича расмий баёнот берди. 2022/2023 йилги мавсум охиригача бу Франк Лэмпард бўлади.