Загребнинг “Динамо” клуби Игорь Бишчанни жамоа бош мураббийи этиб тайинлаганини эълон қилди.
Кўриниб турибдики, 44 ёшли мутахассис сўнгги уч ярим йилдан буён ишлаб келган ва маълум муваффақиятларга эришган Хорватия ёшлар терма жамоаси бошқарувчиси лавозимини тарк этмоқда.
Бишчан "Динамо" тарихидаги машҳур футболчилардан бири. Эслатиб ўтамиз, хорватиялик собиқ футболчи 2000-2005 йилларда Англиянинг “Ливерпуль” клубида ўйнаган.
Игорь Бишчан 8 апрель, шанба куни Загребнинг "Динамо" жамоасидаги дебютини қилади. Шу куни "Динамо"нинг рақиби "Локомотив" клуби бўлади.