"ПСЖ" бош мураббийи Кристоф Галтье жамоани тарк этишга яқин турибди.

Мутахассисдан унинг машғулот услуби, шунингдек, ўйинлар учун таркиб танлаши туфайли кўплаб футболчилар норози. Пойтахтликларнинг ўйини ҳужумчи Лионель Мессига асосланган, жамоадошлари яхшироқ ҳолатда бўлса ҳам, тўп доим аргентиналикка узатилади. Галтье Месси ва бошқа юлдузларни танқид қилмайди, ваҳоланки, бундан олдин у "Лилл"да жамоанинг асосий ўйинчиларига шикоят қилиши мумкин эди.

Париж клуби аллақачон янги мураббий изламоқда, аммо Галтье жорий мавсум якунига қадар "ПСЖ"ни тарк этиши даргумон.