Мюнхеннинг "Бавария" клуби ҳимоячиси Жоау Канселу ўз клубининг афсонавий ҳимоячиси Филипп Лам билан таққослашдан жуда мамнун эканлигини тан олди. Бироқ, у Лам даражасига эришиш учун ҳали кўп меҳнат қилиши кераклигини таъкидлади.
"Одамлар мени Лам каби буюк футболчилар билан солиштирганидан жуда хурсандман. Менга унинг ўйини доим ёққан, у Дани Алвеш ёки Марсело каби футболчилар билан бирга мен учун намуна эди. Аммо менда Лам билан бир хил даражада бўлиш учун ҳали кўп иш қилишим керак", - деди Канселу "Бавария" матбуот хизматига.
Эслатиб ўтамиз, ўтган қишдан бери португалиялик футболчи Мюнхен жамоаси ўйинчиси ҳисобланади, у олти ойлик ижара шартномаси бўйича "Манчестер Сити"дан "Бавария" сафига ўтган эди.
