"Милан" Рафаэль Леау билан шартномани узайтиришга яқин.
Relevo хабарига кўра, клуб ва футболчи ҳамкорликни давом эттириш бўйича оғзаки келишувга эришган. Янги шартнома бўйича вингернинг маоши солиқлар тўланганидан кейин йилига 5 миллион еврони ташкил қилади.
"Милан" шунингдек "Спортинг"га тахминан 19 миллион евро тўлайди - Леау собиқ клуби билан шартномани бир томонлама бекор қилгани учун бу миқдорда жаримага тортилди.
Рафаэлнинг Италия клуби билан амалдаги шартномаси 2024 йилгача мўлжалланган.
Жорий мавсумда Леау А серияда 26 та ўйинда майдонга тушиб, 10 та гол ва 6 та голли узатмага муаллифлик қилган.
