"Манчестер Сити" ҳужумчиси Эрлинг Холанд машғулотларга қайтди. Бу ҳақда клуб матбуот хизмати хабар берди.
Эслатиб ўтамиз, норвегиялик форвард сондаги муаммолар туфайли терма жамоасига март ойидаги ўйинларда ёрдам бера олмади. Шунингдек, 22 ёшли ҳужумчи АПЛ доирасидаги “Ливерпуль”га қарши ўйинда майдонга тушмади, аммо усиз жамоа йирик ҳисобда ғалаба қозонган – 4:1.
2022/2023 йилги мавсумда Эрлинг Холанд барча мусобақаларда 37 та ўйинда майдонга тушди. Уларда ҳужумчи 42 та гол урди ва шерикларига 5 та голли узатма берди.
Англия чемпионатининг навбатдаги учрашувини “Манчестер Сити” 8 апрель куни сафарда “Саутгемптон”га қарши ўтказади.
