Эртага бўлиб ўтадиган "Қизилқум"-"Насаф" учрашувида жамоанинг икки аъзоси жароҳати туфайли майдонга туша олишмайди.
Олий Лига 20-туридан ўрин олган «Қизилқум» – «Насаф» учрашувида "Насаф" жамоасининг икки ҳимоячиси, Мақсуд Каримов ва Шерзод Аъзамовлар жароҳати туфайли майдонга туша олишмайди. Ушбу ўйинчилар бугун Зарафшонга сафар уюштирмаган. Улар Қарши шаҳридаги клуб базасида қолишган. Ушбу хабарни "Насаф" ПФК матбуот хизмати раҳбари Азиз Нурий твиттер орқали билдириб ўтди.
Эрталаб Зарафшонга йўл олган ўйинчилар таркиби 21 кишидан иборат. Мухлисларни ташвишлантираётган яна бир ўйинчимиз Алишер Юсуповнинг ўтган учрашувдаги олган жароҳати жиддий эмас экан. У эртага майдонга тушиш учун тайёр.
Айни пайтда "Насаф" жамоаси Зарафшон шаҳрига етиб келишди. Бугун шунингдек 15:00 да "Қизилқум"-"Насаф" ёшлари ўртасида учрашув ҳам бўлиб ўтади. Биз ушбу учрашув ҳақида ҳам "Насаф" ПФК матбуот хизмати кумагида сайтимиз орқали Сиз азиз мухлисларимизни хабардор қилишни режалаштириб турибмиз.
