"Лейпциг" бош мураббийи Марко Розе испаниялик ярим ҳимоячи Дани Ольмонинг келажаги ҳақида гапирди.

“У менинг у ҳақидаги фикримни билади, биз уни ҳамма нарсада қўллаб-қувватлаймиз. Бундан ташқари, Дани қачондир ўз фаолиятида кейинги қадамни ташламоқчи эканлиги аниқ, аммо мен мураббий сифатида клубга бу ўйинчи биз учун қанчалик муҳимлигини билдириш учун қўлимдан келганини қиламан", - деди Розе.

Ольмо немис клубида 2020 йилнинг январидан буён ўйнамоқда. Жорий мавсумда у барча турнирларда 22 та ўйинда майдонга тушиб, 4 та гол урди ва 6 та голли узатмани амалга оширди. Аввалроқ, агар клуб мавсум якунида Чемпионлар лигасига йўлланма олсагина, у “Лейпциг” билан шартномани узайтиришга тайёр бўлиши ҳақида хабар берилганди.