Ҳимоячи Амир Ррахмани “Наполи” билан янги шартнома имзолашга яқин турибди. Бу ҳақда Italian Sky нашри хабар бермоқда.
Футболчининг амалдаги шартномаси 2023/24 йилги мавсум охиригача мўлжалланган. А Серия етакчиси 29 ёшли косоволик ҳимоячига яна бир мавсум узайтириш имконияти билан уч йиллик шартнома таклиф қилди.
Амир Ррахмани “Наполи” сафида жами 87 та ўйин ўтказиб, 7 та гол урди ва 2 та голли узатмани амалга оширди.
Эътибор беринг, "Наполи" Италия чемпионатида ишончли тарзда пешқадамлик қилмоқда ва иккинчи "Лацио"ни 16 очкога ортда қолдирмоқда. Неаполликлар 1990 йилдан бери биринчи марта чемпион бўлишлари мумкин.
