Тошкентдаги Чиғатой ўқув-машғулот базаси ҳамда ЎФФ қошидаги футбол майдонида мамлакатимизда фаолият юритаётган 30 нафар мураббий учун футболчиларнинг жисмоний тайёргарлигини оширишга қаратилган ФИФА курслари бўлиб ўтмоқда.

Дастлаб Фарьер оролларидан ташриф буюрган Магни Мохр машғулотларни олиб борган бўллса, кейинги кунларда германиялик Тобиас Вовишек мураббийларимизга зарур кўрсатмаларни бериб келмоқда. 17 сентябрь куни бошланган ФИФА курслари 21 сентябрьга қадар давом этади.

Машғулотларда иштирок этаётган 30 нафар Ўзбекистонда фаолият олиб борувчи мураббийларга курс якунлари бўйича махсус сертификатлар топширилади.