Англия премьер-лигасида чемпионлик пойгаси қизғин паллага кирди. “Арсенал” тугашига чемпионат тугашига тўққиз ўйин қолганида “Манчестер Сити”дан 8 очко олдинда, аммо “шаҳарликлар”нинг қўлида битта ўйин бор. Хосеп Гвардиола жамоаси "канонирлар"га қараганда қийинроқ жадвалга эга, "Сити" чемпионат, Англия кубоги ва Чемпионлар лигасида соврин учун курашмоқда. “Арсенал” ва “Манчестер Сити”нинг мавсум охиригача бўлган тақвимини ўрганиб, “шаҳарликлар” Премьер-лигада ғалаба қозона оладими, деган саволга юзланамиз.

"Арсенал"

“Арсенал” 29 турдан кейин 72 очкога эга. Микель Артета шогирдлари 23 ўйинда ғалаба қозонган, 3 дуранг ва 3 бор мағлуб бўлган. "Арсенал"ни олдинда тўртта уй ўйини ва бешта сафар ўйини кутиб турибди. Биринчи даврада “канонирлар” олдинда турган рақиблар билан қуйидагича ўйнади: “Ливерпуль” (3:2), “Вест Хэм” (3:1), “Челси” (1:0), “Брайтон” (4:2), “Ноттингем Форест” (5:0) клубларини мағлуб этишди. “Саутгемптон” (1:1) ва “Ньюкасл” (0:0) билан очко бўлишиб, “Манчестер Сити”га (1:3) имкониятни бой берди.

Five Thirty Eight суперкомпьютери ҳисоб-китобларига кўра, "Арсенал"нинг Премьер-лигада ғалаба қозониш эҳтимоли 51%. Дастур "канонирлар" 88 очко билан биринчи ўринни эгаллашини таҳмин қилмоқда. "Манчестер Сити" суперкомпьютер бўйича 87 очко билан иккинчи ўринда қолади.

"Арсенал"нинг мавсум охиригача тақвими:

9 апрель, “Ливерпуль”;

16 апрель, “Вест Хэм”;

21 апрель, “Саутгемптон”;

26 апрель, “Манчестер Сити”;

29 апрель, “Челси”;

7 май, “Ньюкасл”;

14 май, “Брайтон”;

20 май, “Ноттингем Форест”;

28 май “Вулверхэмптон”.

"Манчестер Сити"

"Манчестер Сити" учун "Арсенал" билан 8 очколик фарқни йўқотиш ниҳоятда қийин бўлади, чунки жамоа учта мусобақада иштирок этади. "Шаҳарликлар"нинг тахминий тақвими шундай кўринади, бироқ жамоа Чемпионлар лигасида юришини давом эттирса, баъзи ўйинлар ўзгартирилиши мумкин.

“Манчестер Сити”нинг мавсум охиригача тақвими:

11 апрель, “Бавария”, Чемпионлар лигаси;

15 апрель, “Лестер”;

19 апрель, “Бавария”, Чемпионлар лигаси;

22 апрель “Шеффилд Юнайтед”, Кубок ярим финали;

23 апрель “Брайтон”;

26 апрель, “Арсенал”;

30 апрель, “Фулхэм”;

3 май, “Вест Хэм”;

7 май, “Лидс”;

14 май, “Эвертон”;

20 май, “Челси”;

28 май, “Брентфорд”.

"Ман Сити" биринчи даврада "Саутгемптон" (4:0), "Лестер" (1:0), "Брайтон" (3:1), "Арсенал" (3:1), "Фулхэм" (2:0) клубларини мағлуб этди. “Эвертон” билан дуранг ўйнади (1:1), “Брентфорд”га ютқазди (1:2). Опта Аналйст суперкомпьютери ҳам “Арсенал”га 56,4% эҳтимол билан устунликни беряпти.