«Барселона» Лионель Мессини ортга қайтишга ишонтириш учун жамоа фахрийлари билан ишлашни давом эттиришга тайёр.

Олдинроқ ёзда Жорди Альба маош харажатларини камайтириш учун қўйиб юборилиши, Серхио Бускетснинг келажаги ҳам сўроқ остида қолгани хабар қилинганди.

Ҳозирда «Барселона» ярим ҳимоячи билан янги шартнома борасида музокаралар олиб бормоқда ва улар чап қанот ҳимоячиси билан хайрлашиш ниятида эмас.

Журналист Луис Рохонинг фикрича, бу ўз-ўзидан содир бўлаётгани йўқ: Гап шундаки, Бускетс ва Альба Мессининг дўстлари ва уларнинг жамоада бўлиши аргентиналик футболчининг шу ёзда қайтиш имкониятини оширади.

Айни дамда Лионель Месси «ПСЖ»га тегишли. Унинг парижликлар билан шартномаси июнь ойида якунига етади.