Япония МТЖ ва Франкфуртнинг «Айнтрахт» клуби ярим ҳимоячиси Даичи Камада трансфер бозорида катта талабга эга.

Relevo журналистларининг ёзишича, ярим ҳимоячи хизматларига Европанинг тўртта топ-клуби қизиқиш билдирмоқда.

Камада учун курашда «Атлетико Мадрид», «Боруссия Дортмунд», «Бавария» ва «Ливерпуль» ўзаро тўқнаш келишади.

Ушбу пойга ғолиби япониялик билан бепул шартнома имзолайди, чунки унинг «Айнтрахт» билан шартномаси жорий мавсум охирида якунига етади. Даичи шартномани узайтирмасликка қарор қилди.

26 ёшли ярим ҳимоячи жорий мавсум Германия чемпионатида 25 та ўйинда майдонга тушиб, 7 та гол урди ва 4 та голли узатмани амалга оширди.