Yaponiya MTJ va Frankfurtning «Ayntraxt» klubi yarim himoyachisi Daichi Kamada transfer bozorida katta talabga ega.
Relevo jurnalistlarining yozishicha, yarim himoyachi xizmatlariga Yevropaning to‘rtta top-klubi qiziqish bildirmoqda.
Kamada uchun kurashda «Atletiko Madrid», «Borussiya Dortmund», «Bavariya» va «Liverpul» o‘zaro to‘qnash kelishadi.
Ushbu poyga g‘olibi yaponiyalik bilan bepul shartnoma imzolaydi, chunki uning «Ayntraxt» bilan shartnomasi joriy mavsum oxirida yakuniga yetadi. Daichi shartnomani uzaytirmaslikka qaror qildi.
26 yoshli yarim himoyachi joriy mavsum Germaniya chempionatida 25 ta o‘yinda maydonga tushib, 7 ta gol urdi va 4 ta golli uzatmani amalga oshirdi.