"Локомотив"нинг Олий лигадаги мағлубиятсиз ўйинлари сони 8та етди. Темирйўлчилар бугун ўз майдонларида "Металлург"ни қабул қилишди ва 5:1 ҳисобида ғалаба қозонишди.

Ҳисоб ўта йирик кўриниш олган бўлса-да, ўйиндаги ҳисобни бекободликлар сардори Ҳикмат Ҳошимов очганди. Кейинчалик эса Зайниддин Тожиевнинг дубли ҳамда Акмал Холматов, Александр Шадрин ва Артурас Фоменконинг голлари эвазига майдон эгалари ғалабани ўз томонига оғдириб олишди.

Дарвоқе, Акмал Холматов ўзбек клублари сафида расмий ўйинларда (Олий лига, Ўзбекистон кубоги, клублар ўртасида Осиё кубоклари) урган голлари сони 100тага етди. Акмал ўзига хос юбилей голини ўз услубида киритди — 35 метрдан белгиланган жарима зарбасини голга айлантирди. Шу тариқа, Акмал Холматов Олий лигада жорий қилинган "юзлик клуби"га аъзо бўлди.

Ушбу ғалабадан кейин "Локомотив" 20-тур ўйинини энди бошлаётган "Шўртан"дан 3 очкога ўтиб кетди. Ўз навбатида тўплар нисбатини ҳам ғузорликлар билан бир хил қилиб олди - "+12".

Олий лига. 20-тур.
"ЛОКОМОТИВ" - "МЕТАЛЛУРГ" - 5:1 (1:1)
Голлар: Зайниддин Тожиев (37, 69), Акмал Холматов (59), Александр Шадрин (83), Артурас Фоменко (90) — Ҳикмат Ҳошимов (19)
"Металлург": Маъмур Икромов, Одил Исабоев, Саидкомил Акбаров, Ҳикмат Ҳошимов, Дилмурод Каримов, Шаҳзодбек Нурматов (Сардор Расулов 75), Боян Калевич (Шуҳрат Йўлдошев 46), Файзулла Аҳмедов, Даврон Каримқулов, Мирғиёс Сулаймонов, Руслан Вагапов
"Локомотив": Павел Бугало, Дилшод Раҳмаллуев, Садриддин Абдуллаев, Зайниддин Тожиев (Артурас Фоменко 85), Жора Оганесян (Александр Шадрин 80), Рустам Аъзамов, Акмал Холматов, Ислом Иномов, Бобур Йўлдошев, Дилшод Жабборов, Ильдар Магдеев.