«Манчестер Сити» бош мураббийи Хосеп Гвардиола Чемпионлар лигасида ғалаба қозониш ниятида эканлигини яширмади.
Эслатиб ўтамиз, мутахассис ушбу турнирда сўнгги бор 2011 йилда «Барселона» бошчилигида ғолиб чиққанди.
«Мен Чемпионлар лигасида ғалаба қозонишни хоҳлайман, аммо бу совринни қўлга киритиш қийин. Одамлар ҳар доим Чемпионлар лигасида ғалаба қозонишим кераклигини айтишади, энди бунинг вақти келди», деди Гвардиола матбуот анжуманида.
Чемпионлар лигасининг чорак финалида Гвардиола ўзининг собиқ жамоаси «Бавария» билан тўқнаш келади. Биринчи ўйин эртага «Этиҳад»да бўлиб ўтади.
