«Интер» марказий ҳимоячиси Алессандро Бастони клуб билан янги шартнома борасидаги музокаралар ҳақида гапирди.

23 ёшли футболчининг амалдаги шартномаси келаси йили тугайди ва «Интер» шартномани узайтиришга умид қилмоқда.

«Бу масалада ҳеч қандай муаммо йўқ. Биз клуб билан музокаралар олиб бормоқдамиз, агентим ҳаммасини ҳал қилади.

Муҳокамалар давом этмоқда, аммо ҳозир бу мени ташвишга солаётгани йўқ - бор эътиборимни футболга қаратганман», деди италиялик марказий ҳимоячи Чемпионлар лигаси 1/4 финали доирасида «Бенфика»га қарши ўйин олдидан матбуот анжуманида.

Жорий мавсумда Алессандро Бастони «Интер» сафида 32 та ўйинда майдонга тушиб, 5 та голли узатмага муаллифлик қилган.