«Бавария» бош мураббийи Томас Тухель «Манчестер Сити»га қарши бўлиб ўтадиган Чемпионлар лигаси 1/4 финал учрашуви олдидан ўз фикрлари билан ўртоқлашди.
Мюнхенликлар сешанба куни «шаҳарликлар» билан меҳмонда учрашув ўтказади. Жавоб ўйини 19 апрель куни бўлиб ўтади.
«Бизнинг олдимизда улкан вазифа турибди ва биз ушбу баҳсни интиқлик билан кутмоқдамиз. «Манчестер Сити» футболи нисбатан аниқ - Пеп жамоаси олти-етти йилдан бери шундай ўйнамоқда.
Улар жуда ҳужумкор услубга эга. Биз Европа футболида бўлиши мумкин бўлган энг юқори савияда ўйнашимиз керак, аммо биз яхши тайёргарлик кўрдик», - деди «Бавария»нинг янги бош мураббийи ўйинолди матбуот анжуманида.
