"Манчестер Юнайтед"да ўйнаган даниялик афсонавий дарвозабон Петер Шмейхель Лондоннинг "Челси" клуби ярим ҳимоячиси Михаил Мудрикнинг ўйини ҳақида ўз фикрлари билан ўртоқлашди.
"Унинг трансфери учун жуда кўп маблағ сарфланган бўлса-да, ҳали бирорта ҳам гол урмади. Мудрик менга ажойиб футболчи бўлиб туюлди. Мен унинг "Шахтёр" таркибида бир нечта ўйин ўтказганини кўрдим, у уларни ажойиб даражада ўтказди.
"Челси"да Михаил бошқача услубда ўйнайди. Унинг нархи босим ўтказмоқда. Бу сўнгги дақиқада "Арсенал"дан ўғирланганга ўхшайди. Шу сабабли унинг атрофида жуда кўп баҳс-мунозаралар кетмоқда", - деди Шмейхель HITC Sport билан суҳбатда.
Англия Премьер-лигасининг жорий мавсумида Мудрик 9та ўйинда майдонга тушиб, битта голли узатмани амалга оширди.
