«Манчестер Сити» жамоаси бош мураббийи Роберто Манчини «Арсенал»нинг бу йилги Премьер Лига чемпионлиги учун асосий даъвогарлардан бири сифатида эътироф этмоқда. Лондонликлар сафидан Алекс Сонг ва Робин ван Перси каби тажрибали футболчиларнинг кетишига қарамасдан бу йил ўтган йилги мавсумга қараганда яхшироқ ўйин кўрсатаётганликларини таъкидлаб ўтди.

Арсен Венгер жамоаси бу йилги мавсумда ҳали мағлубиятга учраганлари йўқ, улар якшанба куни «Этихад Стэдиум»га сафар қиладилар. Ана шу ўйин олдидан Манчини «тўпчилар» сафида Робин ван Перси каби етакчи ўйинчилар йўқлиги ўз жамоасини чалғитиши мумкинлини айтиб ўтди:

«Арсенал» ушбу мавсумда чемпионлик учун бемалол кураш олиб бора олади. Гарчанд, улар бир қанча кучли ўйинчиларини йўқотган бўлсалар-да, ҳозир ўтган йилгига қараганда анча кучли ўйин намойиш қилмоқдалар. Улар ван Верси ва Алекс Сонгни сотиб юбордилар, лекин уларнинг ўрнига ёш, маҳоратли футболчилар олиб келинди».