"Бавария" бош мураббийи Томас Тухель Чемпионлар лигаси чорак финалида "Манчестер Сити" билан бўладиган ўйиндан олдин ҳимоячи Жоау Канселу ҳақида фикр билдирди.
Эслатиб ўтамиз, португалиялик футболчи ҳуқуқий жиҳатдан "шаҳарликлар"га тегишли ва у ҳозирда "Бавария"да ижара асосида ўйнайди.
"У собиқ жамоасига қарши ўйнайди, бундай вазиятлар бўлиб туради. Умид қиламанки, у ҳис-туйғуларини бошқара олади. Жоау ҳаддан ташқари ғайратли бўлмаслиги керак, лекин бошқа томондан, у ҳаддан ташқари дўстона ва уятчан бўлмаслиги керак. Биламан, у ўйнашни интизорлик билан кутмоқда. Канселу "Манчестер Сити"нинг ўйин тизимини жуда яхши билади, лекин мен рақибнинг барча режаларини ҳам биламан”, деди Тухель матбуот анжуманида.
