"Манчестер Сити" бош мураббийи Хосеп Гвардиола Чемпионлар лигаси нимчорак финал учрашуви олдидан "Бавария"да бош мураббий алмашиш масаласини муҳокама қилди.
“Нагельсманн билан боғлиқ қарор мени ҳайратда қолдирди. Аммо шуни тан олиш керакки, Томас Тухель дунёдаги энг зўр бўлмаса ҳам, энг яхши мураббийлардан бири. У қаерда ишласа ҳам, муваффақиятга эришди. Навбатдаги тўқнашувимизни кўришдан хурсанд бўламан", - деди испаниялик мутахассис матбуот анжумани чоғида.
"Бавария"да бош мураббий ўзгариши 24 март куни эълон қилинди.
Бугун, 11 апрель куни Англияда “Манчестер Сити” ва Мюнхен грандлари ўртасидаги илк ўйин бўлиб ўтади.
