“Мен ҳеч қачон мураббий бўлишни хоҳламаганман. Шунинг учун мен буни севимли машғулот сифатида қабул қиламан ", дейди Рожер Шмидт Германиядаги биринчи жамоасини бошқарганида. У қуйи дивизионда ярим ҳаваскорлар жамоасида эди. Шмидт бу йигитларни яхши биларди. Ахир унинг ўзи ҳам худди шундай муҳитда футболчи сифатида ҳаракат қилган. Шу билан бирга у муҳандис бўлиб ишлаган. Ўшанда у 38 ёшда эди. 18 йилдан сўнг Чемпионлар лигасининг плей-офф босқичига чиқиб келишини тасаввур ҳам қила олмаган бўлса керак.
2022 йилнинг ёзида “Бенфика” қийин вазиятда эди. Хорхе Жезус қишда жамоани тарк этди ва вақтинчалик мураббий билан жамоа аввалига Чемпионлар лигасидан чиқиб жетди ва чемпионатда учинчи ўринни эгаллади. Бу вазиятда жамоа тезда қарор қилиши керак эди. Ва янги тарихнинг меъмори Нидерландияда кўринди. Рожер Шмидтнинг шартномаси ниҳоясига етаётган эди, демак, уни ўзига жалб қилиш учун барча имкониятлар бор эди. У таклифни қабул қилиб, ПСВни икки йилдан кўпроқ вақт ичида Кубок ва Суперкубок ғолиблиги билан қолдирди.
Бу мукаммал танлов бўлди. Сиздан супер натижалар кутилмаганда яхши бошлаш ҳар доим ҳам ажойиб ва Шмидт шундай вазиятга тушиб қолди. Немис мураббийининг жамоалари қандай ўйнашини ҳамма билади. Австриядаги (2012-2014 йилларда “Ред Булл”да) ишлаганидан бери унинг ёндашуви ўзгармади. Ва унинг ўзи буни интервюсида жуда батафсил тасвирлаб беради. Асосийси, тўп доимо олдинги чизиққа боради. Бунда Шмидт натижани кўрди. Жуда юзаки фикрлаш, дейсизми? У шундай деб ўйлаганларнинг устидан кулади. Ва у ҳақ: унинг жамоаси Чемпионлар лигасининг чорак финалида. Гарчи унинг "Байер"даги фаолиятиданг сўнг катта клубларга йўл ёпилгандек туюлган эди.
Умуман олганда, Шмидтнинг тараққиёти ҳайратланарли воқеа. Профессионал футболнинг кичик лигаларида қанча мураббий “чириган”? Юзлаб? Минглабми? Ёки ўн минглаб. Кам сонли инсонлар юқорига кўтарилишади. Рожер ҳам улардан бири бўлди. Кичик клублар орқали у Иккинчи Бундеслигага чиқди. Ва кейин Австрияга “Ред Булл” лойиҳасига таклиф олди. Бир томондан, ишни ўзига хос тарзда бажаришга одатланган мураббий. Бошқа томондан, қоидаларга риоя қилишин керак бўлган империянинг клуби. Уларнинг қарашлари концептуал жиҳатдан кесишганлиги яхши. Натижада совринларсиз, лекин рекорд статистикага эга бўлган биринчи мавсум. Иккинчисида чемпионат ва кубокдаги ғалаба. Ва Бундеслигадан табиий таклиф. У ерда уни “Байер” кутаётганди.
Дастлабки икки мавсум Рожернинг ўз услубини талабга эга эканлигига ишонтирди. Жамоа биринчи мавсумда тўртинчи, иккинчисида учинчи ўринни эгаллади. Аммо учинчи йил муваффақиятсиз бўлиб чиқди, натижада тортишувлар пайдо бўлди. Немис кутилмаган йўлни танлади ва Хитойга кетди.
Муваффақият қайта ишга туширилди. Буни немиснинг ПСВ билан олиб бораётган ишлари ва “Бенфика”нинг ҳозирги натижаларида кўрамиз. Мавсум бошидан бери иккита мағлубият - 31 декабрда "Брага"дан (0:3), 7 апрелда - "Порту"дан (1:2). Бу уларга чемпионлик сари ишончли тарзда бориш ва Чемпионлар лигасида ажойиб ўйин кўрсатиш имконини беради. Аслида португалияликлар “ПСЖ”нинг қуйи саватчага тушиб кетишида айбдорлардан бирига айланди. Негаки, қўшимча кўрсаткичлар бўйича уларни гуруҳда ортда қолдирган "Бенфика" эди.
Французлар “Бавария” томонидан турнирдан чиқариб юборилган бўлса, португаллар “Брюгге”дан осонликча ўтиб кетишди.
Эндиги навбат "Интер"га. Шмидтга бу қарама-қаршиликдан олдин 2026 йилгача шартнома таклиф қилишди ва мураббий рози бўлди. Энди у 16 йил олдин махсус амбицияларга эга бўлмаган одам эмас. Ҳозир у ғалаба қозонишни хоҳлайди, лекин фақат ўз услуби билан.
