Мадриднинг “Реал” клуби ҳимоячиси Давид Алаба ЕЧЛ чорак финалидаги эртанги рақиб “Челси”нинг савиясига баҳо берди.
“Биз “Челси” ажойиб жамоа эканлигини биламиз. Биз жуда концентрацияли бўлишимиз керак, улар кучли ва яхши таркибга эга. Биз ўйин бошиданоқ уларга босим ўтказишга ҳаракат қиламиз”, деди Алаба матбуот анжуманида.
"Челси" Англия Премьер-лигасида ўтказган сўнгги учта ўйинда бирорта ҳам гол ура олмади. Жамоа чемпионатда ўн биринчи ўринни эгаллаб турибди. Вақтинчалик бош мураббий Фрэнк Лэмпард "Вулверхэмптон"га қарши биринчи ўйинда мағлуб бўлди.
