«Қизил иблислар» Бразилиянинг «Desportivo Brasil» клуби таркибида тўп сураётган ёш футболчи Бруно Гомес билан келаси йилнинг бошида шартномани тўлиқ имзолайдилар», дея хабар беради футболчининг агенти Lancenet нашрига берган интервьюсида.
Бруно Гомесга Бразилиянинг ўсмирлар ўртасидаги чемпионатларини кузатаётган вақтда «Манчестер Юнайтед» скаутларидан бири Жон Калверт Толминнинг эътибори тушиб
қолган. Ана шундан сўнг футболчи «Сан-Пауло» футбол академиясига олиб келинган. Кўрикдан ўтказилгач, Европага кетиш учун барча расмий ишлар қилишни бошланди. Ҳозирда ёш ўйинчи инглиз тили дарсларига бормоқда, инглизларнинг динларини, урф-одатларини, овқатланиш тартибларини ўрганмоқда. Ҳали 17 ёшга ҳам тўлмаган Бруно Гомес ўз олдига дунёнинг энг кучли футболчиси бўлишни мақсад қилиб қўйган. Футболчининг келаси йили ёзда бўладиган жаҳон чемпионати(U-17) да иштирок этиши кутилмоқда.