"Интер" бош директори Жузеппе Маротта яна бир бор бош мураббий Симоне Индзаги фаолияти ҳақидаги саволга жавоб қайтарди.

"Нерадзуррилар" Чемпионлар лигасида ўз мақсадига эришиб, "ўлим гуруҳи"дан чорак финалга йўл олишди, аммо чемпионатда жамоа атиги бешинчи ўринни эгаллаб турибди.

"Индзаги мавсум тугашидан олдин кетадими? Бу, албатта, содир бўлмайди. Чемпионатда ишлар юришмаяпти, лекин бу бир мураббийнинг айби эмас. Биз Чемпионлар лигасида муваффақият қозондик, бизга давомийлик керак. А Серияга келсак, биз имкон қадар тезроқ вазиятни тўғирлашимиз ва Чемпионлар лигасининг навбатдаги мавсумига боришимиз керак", - деди Маротта Sky нашрига берган интервьюсида.