"Inter" bosh direktori Juzeppe Marotta yana bir bor bosh murabbiy Simone Indzagi faoliyati haqidagi savolga javob qaytardi.
"Neradzurrilar" Chempionlar ligasida o‘z maqsadiga erishib, "o‘lim guruhi"dan chorak finalga yo‘l olishdi, ammo chempionatda jamoa atigi beshinchi o‘rinni egallab turibdi.
"Indzagi mavsum tugashidan oldin ketadimi? Bu, albatta, sodir bo‘lmaydi. Chempionatda ishlar yurishmayapti, lekin bu bir murabbiyning aybi emas. Biz Chempionlar ligasida muvaffaqiyat qozondik, bizga davomiylik kerak. A Seriyaga kelsak, biz imkon qadar tezroq vaziyatni to‘g‘irlashimiz va Chempionlar ligasining navbatdagi mavsumiga borishimiz kerak", - dedi Marotta Sky nashriga bergan intervyusida.
