«Арсенал» бош мураббийи Арсен Венгер Тео Уолкоттни агар футболчи ўзига қилинган таклифни қабул қилмайдиган бўлса, қишки трансфер ойнаси очилганда сотиб юборилишини айтиб ўтди. «Тўпчилар» инглиз вингерига ҳафтасига 95 минг евро маош таклиф қилишмоқда. Франциялик тажрибали мураббий ушбу футболчининг шартномаси яқин орада ҳал бўлишини таъкидлади:

«Мен уни кўп ўйинларда асосий таркибда туширмаяпман, бу тўғри савол», дея «the Daily Mirror»га берган интервьюсида давом этди, «Умид қиламанки, кейинги икки ой жуда аҳамиятли бўлади. Вақт қанча узоқ бўлса, муаммо ҳам шунча вақт чўзилаверади. Келинг, шу муаммога ечим қидириб кўрайлик, тўғри, ҳозир Уолкотт доимий равишда майдонга туша олмаяпти. Лекин бу унинг шартномаси билан боғлиқ эмас».

Шуни айтиб ўтиш керакки, ҳозирда футболчига «Челси» ва «Манчестер Сити» клублари қизиқиш билдирмоқдалар. «Ливерпул» эса ўтган ёзда Теони қўлга киритишга ҳаракат қилиб кўрганди. Венгер бу гапларга қуйидагича изоҳ берди:

«Январда агар Уолкоттни сотадиган бўлсак, бу нарса клубларнинг эҳтиёжидан келиб чиқиб амалга оширилади. Биз у билан шартнома тузишга уриниб кўрамиз. Лекин агар футболчи ўйнагиси келмаса, жамоада хурсанд бўла олмайди, уни олиб қолишдан наф йўқ».