«Барселона» бош мураббийи Тито Виланова Мессининг барча даврларнинг энг зўр футболчиси бўла олишини таъкидлаб ўтди. Бундан ташқари мураббий жамоадагиларнинг барчаси Месси фаолиятининг якунига қадар каталонияликлар сафида қолишини хоҳлашларини ҳам айтиб ўтди.
Шу ҳафта клуб президенти Сандро Россел аргентиналик ҳужумчига унинг амалдаги шартномаси 2016 йилгача бўлишига қарамасдан янги шартнома таклиф қилмоқчи. Тито Виланова ҳам Месси қолишини хоҳламоқда:
«Месси ҳозирда дунёнинг энг кучли футболчиси. Агар футбол тарихидаги энг кучли футболчи бўла олмаса, энди бўлади. Барча Мессининг бутун фаолияти давомида «Ноу Камп»да кўришдан хурсанд бўладилар. Сиз Мессига ўхшаган бошқа ўйинчини кўрмайсиз».