"Бавария" дарвозабони Янн Зоммер жамоасининг "Манчестер Сити"дан учралган мағлубияти (0:3) ҳақида фикр билдирди.
Томас Тухель жамоаси Чемпионлар лигасининг чорак финалида Англияда йирик ҳисобда мағлуб бўлди. Жавоб ўйини 19 апрель куни Мюнхенда бўлиб ўтади.
“3:0 жуда катта ҳисоб, бизда гол уриш учун имкониятлар бўлди. Афсуски, биз кўп хатоларга йўл қўйдик. Иккинчи ўйин олдидан ўзимизга бўлган ишончни сақлаб қолишимиз керак.
Ҳимояда компактлик қанчалик муҳимлигини билардик ва маълум бир нуқтага қадар уни сақлаб қолишга муваффақ бўлдик. Биз ўз имкониятларимиз билан жавоб қайтардик, аммо биз жуда самарасиз эдик”, деди швейцариялик дарвозабон bein Sports нашрига.
