Мадриднинг “Реал” клуби Англия терма жамоаси ва Дортмунднинг “Боруссия” клуби ярим ҳимоячиси Жуд Беллингемнинг трансфери учун асосий даъвогарга айланди. Футболчи "ПСЖ", "Манчестер Сити" ва "Челси"дан келган таклифларни рад этганидан кейин "Қироллик" клуби фаворит саналади. "Ливерпуль" ҳам у учун курашни тарк этди.
Sportbuzzer хабарига кўра, Мадрид клуби раҳбарияти Беллингем трансфери учун максимал нарх қўйган. Қайд этилишича, “Реал” клуби Беллингемни сотиб олиш учун 100 миллион евро сарфлашга тайёр. Бонус тўловларини ҳисобга олсак, бу миқдор 130-150 миллионгача ошиши мумкин.
Жуднинг Дортмунднинг "Боруссия" билан шартномаси 2025 йилнинг ёзига қадар тузилган.