"Реал Мадрид" ёз учун трансфер режаларини тузмоқда. Fichajes нашри хабарига кўра, мадридликлар Ферлан Менди ва Дани Карвахаль узоқ вақтдан бери маълум талабларга жавоб бермаётганини инобатга олиб, қанот ҳимоячилари савиясини оширмоқчи.
Манбаларга кўра, Мадриднинг "Реал" клуби "Манчестер Сити" ҳимоячиси Жоау Канселуни мақсад қилган. "Қироллик клуби" футболчи учун 60 миллион евро таклиф қилади.
Хабарингиз бор, 28 ёшли Канселу ҳозирда “Бавария”да ижара асосида ўйнамоқда. Миш-мишларга кўра, немис гранди мавсум охирида португалиялик футболчини сотиб олиш ниятида эмас.
