«Милан»нинг техник директори Паоло Мальдинининг айтишича, «россонерилар» ўзларининг энг яхши ўйинчиларидан бири, вингер Рафаэль Леау билан янги шартнома борасида анча ишончли кайфиятда.
Португалияликнинг Милан клуби билан амалдаги шартномаси 2024 йилнинг ўрталарига қадар амал қилади.
«Энди бизнинг янги шартнома имзолашимизга ишончимиз ортиб бормоқда, аммо бугун буни муҳокама қилиш устувор вазифа эмасди, чунки биз бор эътиборимизни Чемпионлар лигаси ўйинига қаратдик ва ғалаба қозондик», - дея Мальдинининг сўзларидан иқтибос келтирди Фабрицио Романо ижтимоий тармоқларда.
