"Реал Мадрид" вингери Винисиус Жуниор "Қироллик клуби"да абадий қолмоқчи.
Эслатиб ўтамиз, бразилиялик кеча Лондоннинг “Челси” жамоаси билан Чемпионлар лигасининг биринчи чорак финал учрашувининг энг яхши футболчиси деб топилганди. “Реал” ўз майдонида “кўклар”ни 2:0 ҳисобида мағлуб этди.
“Менинг янги келишувим? "Реал Мадрид" билан клубда абадий қоладиган шартнома имзоламоқчиман. "Реал Мадрид" - дунёнинг энг яхши жамоаси", - деди Винисиус ўйиндан кейин берган интервьюсида.
Ҳозирда Винисиуснинг "Реал" билан шартномаси бор, бу шартнома келаси мавсум охиригача амал қилади. 22 ёшли футболчи Карло Анчелотти жамоаси билан тезроқ шартномани узайтиришга умид қилмоқда.
