"Real Madrid" vingeri Vinisius Junior "Qirollik klubi"da abadiy qolmoqchi.

Eslatib o‘tamiz, braziliyalik kecha Londonning “Chelsi” jamoasi bilan Chempionlar ligasining birinchi chorak final uchrashuvining eng yaxshi futbolchisi deb topilgandi. “Real” o‘z maydonida “ko‘klar”ni 2:0 hisobida mag‘lub etdi.

“Mening yangi kelishuvim? "Real Madrid" bilan klubda abadiy qoladigan shartnoma imzolamoqchiman. "Real Madrid" - dunyoning eng yaxshi jamoasi", - dedi Vinisius o‘yindan keyin bergan intervyusida.

Hozirda Vinisiusning "Real" bilan shartnomasi bor, bu shartnoma kelasi mavsum oxirigacha amal qiladi. 22 yoshli futbolchi Karlo Anchelotti jamoasi bilan tezroq shartnomani uzaytirishga umid qilmoqda.