Мадриднинг “Атлетико” клуби ўзига янги ҳужумчи қидирмоқда. Todofichajes саҳифаларида хабар берилишича, "Севилья"нинг 25 ёшли марказий ҳужумчиси Рафа Мир "матрасчилар"нинг эътиборини тортган. Бош мураббий Диего Симеоненинг шахсан ўзи футболчи билан шартнома имзолашдан манфаатдор.
Томонлар ёзги трансфер ойнасига ўтиш бўйича музокара олиб боришади. Transfermarkt футболчини 10 миллион еврога баҳоламоқда. Мирнинг андалусияликлар билан меҳнат шартномаси 2027 йил ўрталаригача ҳисобланади.
Испания чемпионатининг жорий мавсумида Рафа 17 та баҳс ўтказиб, 3 та гол уришга муваффақ бўлди.
