"Манчестер Юнайтед"нинг собиқ ярим ҳимоячиси Пол Скоулз Европа лигаси 1/4 финали биринчи ўйинида "Севилья" билан дуранг (2:2) ҳақида фикр билдирди.

“Бу “Севилья” учун ажойиб натижа. "Манчестер Юнайтед"нинг иккинчи бўлими жуда хотиржам ўтди, улар ўзгача нарса яратишмади. "Юнайтед"да ҳали етарлича имкониятлар бор, аммо ярим финалга чиқиш қийин бўлади.

Иккинчи бўлимдан ғалати воқеалар кузатилди. “Манчестер Юнайтед” футболчилари ўзига ҳаддан ташқари ишонганми, билмайман. Биринчи бўлимни кузатганимизда “Юнайтед” яхши ўйнади. Ярим финал йўлланмаси тақдири бугун ҳал бўлади, деб ўйлагандим. Эн-Несири майдонга тушгани "Манчестер Юнайтед" учун ҳақиқий фалокат бўлди", - дея Скоулз сўзларини келтирмоқда УЕФА матбуот хизмати.

Жамоалар ўртасидаги жавоб ўйини бир ҳафтадан сўнг, 20 апрель куни Севильяда бўлиб ўтади.