"Ливерпуль" ва "Манчестер Сити" "Брайтон" сафида ижара асосида ўйнаётган ёш марказий ҳимоячи Леви Колвиллга эътибор қаратишди. Футболчи ҳозирда Лондоннинг "Челси" клубига тегишли бўлиб, лондонликлар ўз тарбияланувчиси билан шартномани узайтирмоқчи.
Журналист Низар Кинселланинг хабар беришича, Колвилл "Манчестер Сити" ва "Ливерпуль" учун жиддий трансфер мақсади ҳисобланади. Бироқ, "Челси" футболчини қўйиб юборишга рози бўладими, буни кузатиш керак. Ҳимоя марказидаги юқори рақобатга қарамай, "кўклар" ҳозиргача катталар жамоасида расмий ўйинларда дебют қилмаган Колвилл билан хайрлашишга шошилмаяптилар.
