"Манчестер Сити" ярим ҳимоячиси Илкай Гюндоганнинг "Барселона"га ўтиши "кўк-анорранглилар"нинг "Атлетико Мадрид"дан Янник Каррасконинг трансфери борасидаги режаларига таъсир қилмайди. Журналист Виктор Малонинг ёзишича, бош мураббий Хави Эрнандес иккала футболчини ҳам ўз жамоасида кўрмоқчи.

Карраско "Барселона"га ўтишга тайёр, аммо сўралган 20 миллион евро трансфер нархи ҳозирча "Кўк-анорранглилар" раҳбариятини қўрқитмоқда. Шу билан бирга, Хави Эрнандес жамоаси ҳамон "Атлетико" билан муросага келиш умидини йўқотмаяпти.

Олдинроқ Гюндоган "Барселона" таклифини қабул қилгани ва келаси ёзда жамоага текинга ўтиши ҳақида хабар берилганди.