Лондоннинг “Арсенал” клуби ҳамон “Байер” вингери Мусса Диабига асосий даъвогар бўлиб турибди. Sport Bild нашри хабарига кўра, "канонирлар" футболчи билан мунтазам алоқада.

"Канонирлар"нинг Диабига қизиқиши мавсум давомида вақти-вақти билан хабар қилинган. Бу мавсумда 23 ёшли франциялик барча расмий ўйинларда 13 та гол урди ва 9 та голли узатмани амалга оширди. Transfermarkt портали ярим ҳимоячини 50 миллион еврога баҳоламоқда.

Диабини қўлга киритиш учун "Арсенал" анчагина маблағ сарфлаши керак, чунки унинг леверкузенликлар билан шартномаси 2025 йилнинг ўрталарига қадар амал қилади.