Яйпаннинг "Турон" клуби матбуот хизмати Бахтиёр Ашурматовни истеъфога чиққанини расман эълон қилди.

"Куни кеча клубимиз раҳбарияти ва мураббийлар штаби вакиллари иштирокида навбатдан ташқари йиғилиш бўлиб ўтди. Мазкур йиғилишда жамоа бош мураббийи лавозимида ишлаб келаётган Бахтиёр Аъзамович Ашурматов ўзаро келишувга кўра истеъфога чиқарилди ва у клуб билан дўстона руҳда хайрлашди.

“Турон” футбол клуби истеъдодли мутахассис Бахтиёр Ашурматовга жамоамиздаги фаолияти учун миннатдорчилик билдирган холда унга келгусида муваффақиятлар ёр бўлишини тилаб қолади" - дейилади яйпанликларнинг расмий баёнотида.