«Манчестер Сити» устози бугун «Арсенал» билан бўладиган ўйиндан олдин ўз фикрини билдириб, жамоасига ғалабага эришиш қийин бўлишини, ушбу ўйиндага муваффақият икки кулб учун ҳам чемпионлик учун яна бир қадам ташланиши мумкинлигини таъкидлади:

«Улар дунёдаги энг кучли клублардан бири. Лондонликлар яқинда Ливерпулда жуда яхши ўйин кўрсатишди ва унга қараб биз айтишимиз мумкинки, бугунги ўйин осон бўлмайди. Улар жуда кучли, айниқса, қарши ҳужумда. Лондонликлар  ван Перси ва Сонгни йўқотди, лекин ундан бошқа яхши трансферларни амалга оширди. Менга Подолски, Касорла, Жиру каби футболчилар ёқди. «Арсенал» мен учун фантастик клуб. Ван Перси мен учун топ даражадаги ўйинчи. Агар шундай ўйинчинг бўлса, ҳар бир ўйинда бита-иккита гол уради ва жамоангнинг ғалабасинини таъминлайди. Лекин бу йил лондонликлар унинг ўрнига 3-4 та яхши ҳолатдаги ўйинчиларни олиб келдилар».

Роберто Манчини агар шаҳарликлар бу йил ҳам чемпион бўлишни исташса, қишки трансфер вақтида пул сарфлашлари кераклигини ҳам айтиб ўтди:
«Агар биз чемпионликни яна қўлда сақлаб қолишни истасак, янги ўйинчилар олишимиз керак. Лекин бу осон бўлмайди. Жуда кўп клублар натижаларга эришиш учун қиммат ўйинчиларни ҳарид қилишмоқда. Шунингдек, «Арсенал» ҳам. Бу нормал ҳолат. Биз ўйинимиз янада яхшилашимиз учун яхши ўйинчиларга муҳтожмиз. Агар бизда ана шундай ўйинчини сотиб олиш имконияти бўлса, уни сотиб оламиз. Барча мураббийлар доим бизда доим пул бўлганлиги ҳақида гапирадилар, лекин майдонда бизда ҳам қолганларга ўхшаб 11 та ўйинчи бўлади».