Англия чемпионатининг ўттиз биринчи туридан ўрин олган учрашувда «Кристал Пэлас» бу сафар «Саутгемптон»ни қабул қилиб, иккита гол эвазига ғалаба қозонди.
«Кристал Пэлас»га янги тайинланган мураббий Рой Хожсон ўйин ҳақида фикр билдирди.
«Иккинчи бўлимни жуда яхши ўтказдик. Аввалига бизда муаммолар бор эди, чунки «Саутгемптон» ўйинга тайёр эди.
Ўйиннинг иккинчи ярмида биз ҳамма нарсани тубдан ўзгартирдик. Ҳозир 36 очкомиз бор, тез орада қирқ очкога эга бўламиз, ҳаммаси осонроқ бўлади деб ўйлайман.
Биз Премьер-лигада қолишга лойиқмиз», - дея Хожсоннинг сўзларини келтиради BBC Sport.
Кейинги турда «Кристал Пэлас» ўз майдонида «Эвертон»ни қабул қилади.
