Германиялик ярим ҳимоячи Тони Кроос "Реал" билан ҳамкорликни узайтиришга яқин турибди. Бу ҳақда журналист Николо Шкира ижтимоий тармоқлари орқали хабар берди.
Инсайдер таъкидлаганидек, музокаралар жараёни якуний босқичда. Томонлар ўртасидаги амалдаги меҳнат шартномаси келаси йил ёзида тугайди. 33 ёшли футболчи 2014 йилнинг июл ойидан буён “қироллик” клуби сафини ҳимоя қилиб келмоқда. Унинг трансфер нархи 18 миллион еврога баҳоланмоқда.
Кроос жорий мавсум Ла Лигада 22 та ўйинда майдонга тушди. Ярим ҳимоячи иккита гол урди, бешта голли узатма берди ва битта сариқ карточка олди.
