Лучано Спалетти Виктор Осимхен «Милан»га қарши майдонга тушишини маълум қилди.

18 апрель куни «Наполи» Чемпионлар лигаси 1/4 финал жавоб ўйинида «россонерилар»ни қабул қилади (биринчи ўйин - 0:1).

Бир кун аввал ҳужумчи А Сериянинг 73-дақиқасида «Верона»га қарши ўйинда (0:0) захирадан майдонга тушганди. У аввалроқ жароҳати туфайли деярли бир ой майдонга туша олмаганди.

«Ҳа, у асосий таркибда ўйинни бошлаши мумкин. Осимхен жисмоний куч ва тезликка эга. У тўпга қандай ёпишишни, бош билан ҳаракат қилишни ва ритмни ўзгартиришни билади - у жуда кўп турли хил хусусиятларга эга.

Мухлисларимиз учун энди у қаҳрамон ва ҳар доим иштиёқ тўлқинини келтириб чиқаради», деди «Наполи» бош мураббийи.