«Қизил иблислар»нинг 70 ёшли устози Сер Алекс Фергюсон Брендан Рожерс шогирдларининг бу мавсумда Премьер лигада ЕЧЛ учун йўлланма берадиган 4 ўриндан бирига эгалик қилиш имкониятлари жуда ҳам пастлигини айтиб ўтди:

«Ливерпуль»га кучли тўртликка кириш жуда қийин бўлади. Чунки ҳозир уларда мураббий ва муҳит янги, унга мослашиш учун вақт керак. Кучли тўртликка кирадиган жамоаларнинг номини аниқ десак ҳам бўлади: «Челси» бу мавсумени ўтган йилгига қараганда анча сермазмун ўтказмоқда, «Арсенал» ҳақида ҳам худди шундай фикрларни билдириш мумкин. Манчестернинг икки клубини эса айтмаса ҳам бўлади. Менимча, шу клублар кучли тўртликдан жой олади. Бундан ташқари, албатта, «Эвертон» ва «Тоттенхем»да ҳам иштиёқ катта, улардан ҳам кўп нарса кутиш мумкин».

Шотландиялик мутахассис мерсисайдликлар 39 ёшли мураббийи ҳақида ҳам қисқача гапирди:
«Мен уни клубни қай даражада ўзгартира олиши ҳақида бир нарса дея олмайман. Агар ўзгартирадиган бўлса ҳам бу жуда қийин бўлади. Мураббий экансан, ўзингнинг шахсий фалсафанг, ишончинг бўлиши лозим. Катта клубга бундай ёшда мураббий бўлиш жуда қийин».