"Барселона" бош мураббийи Хави Эрнандес ҳужумчи Роберт Левандовскининг ўйини ҳақидаги саволга жавоб берди.
“Барселона” сўнгги учта ўйиннинг бирортасида ҳам ғалаба қозона олмади. Ҳужумчи февраль ойи бошидан буён "кўк-анорранглилар"нинг 13та учрашувида 5та гол урди.
"Левандовски Ла Лиганинг энг яхши тўпурари бўлиб қолмоқда. Баъзида ёмон узилишлар бўлади. Мен ижобий фикрдаман ва у ҳамон рақиблар дарвозаси олдида жуда хавфли эканлигини кўраман. Голлар барибир унга ҳам, бутун жамоага ҳам келади”, деди “Барселона” устози ўйиндан кейинги интервюсида.
Роберт Левандовски 17 та гол билан Ла Лига тўпурарлари рўйхатида пешқадамлик қилмоқда.
