"Манчестер Юнайтед" бош мураббийи Эрик тен Хаг АПЛнинг 31-тури доирасидаги "Ноттингем Форест"га (2:0) қарши ўйинда вингер Антони ўйинидан мамнун. Бразилиялик футболчи гол урди ва голли узатмани амалга оширди.

“Бизга кўпроқ гол урадиган футболчилар керак ва мен Антонидан мамнунман. Гол урди, голли узатмани амалга оширди. Учрашувнинг бошланиши унинг учун унчалик яхши бўлмади, аммо кейин ўйинга киришиб, рақибга хавф туғдирди.

Антони яхшиланмоқда. У "Эвертон"га қарши ўйинда кўп вазиятлар яратган бўлса ҳам гол ура олмади, шунинг учун унинг бугун гол урганидан хурсандман", - дея мутахассис сўзларидан иқтибос келтиради Sky Sports.

23 ёшли Антони жорий мавсумда “Манчестер Юнайтед” сафида 35 та ўйинда майдонга тушиб, 8 та гол урди ва 2 та голли узатмани амалга оширди.